Кевин Де Брюйне: "Манчестер Сити"нинг режаси - Азар ва Виллианга ўйнашга имкон бермаслик эди"

"Биз яхши ўйин кўрсатганимиздан жуда хурсандман. Баҳс тактика жиҳатдан жуда қийин бўлиши билгандик. "Челси" - қарши ҳужумлар бўйича энг яхши жамоалардан бири, бироқ биз намойиш этган ўйин услуби жуда кучли эди. Режамиз Азар ва Виллиан ўйнашига имкон бермаслик бўлди, чунки улар жуда хавфли. Биз 3-4-3га яқин схемада ҳаракат қилдик.

Қайсидир мавсумолди ўйинидан сўнг Пеп мағлубиятни ёмон кўрадиган жамоага айланишимиз кераклигини айтган эди. Бу мавсумда айтилган вазифани бажаришга ва йирик баҳсларда очко олишга ҳаракат қиляпмиз. Сентябрда яхши натижаларга эришдик ва терма жамолардан қайтганимиздан сўнг шу рухда давом этишни истаймиз" - дейди Де Брюйне.