Кахи Махарадзе: "Финал баҳсига ким тайёр бўлса ўша ғалаба қозонади"

Ушбу турда Тошкентнинг икки клуби "Локомотив" ва "Бунёдкор" баҳс олиб борди. Бўлиб ўтган баҳсда "темирйўлчилар" рақибларини 3:2 ҳисобида мағлубиятга учратишди. Ушбу учрашувдан сўнг "Локомотив" клуби футболчиси Кахи Махарадзе ўз фикрлари билан ўртоқлашди.

"Бугун стадионга ташриф буюрган мухлислар ажойиб ўйин гувоҳи бўлишди. Биз олдимизга қўйилган вазифани уддаладик ва Ўзбекистон чемпиони деган номга яна бир бор эришдик. Бугунги ўйин Ўзбекистон кубоги финал баҳси учун бир тарафдан тайёргарлик вазифасини ўтаб берди. Биласизми, кубок финал баҳси бошқа чемпионат баҳси бошқа. Финал баҳсига ким тайёр бўлса ўша ғалаба қозонади. Биз охиригача кураш олиб борамиз", - дейди "Локомотив" клуби футболчиси Кахи Махарадзе

Финал баҳсига ким тайёр бўлса ўша ғалаба қозонади

Жаҳонгир Сотволдиев ёзиб олди