Иван Бошкович: "Биринчи даврада футболчиларим ўз даражасини намойиш қилди, бироқ бизга омад етишмади"

"Жуда қийин ўйин бўлди. "Қўқон-1912" жанговар жамоа эканлигини ва бугун бизга жанг таклиф қилишини билардик. Биринчи бўлимни яхши ўтказдик ва биз назорат қилдик, ўз вазиятларимизни яратдик. Ҳудди "Бунёдкор"даги ўйин каби бўлди. Ўшанда ҳам иккита гол ургандик. Иккинчи бўлим бундан-да қийинроқ ўтишини билгандик. Бу руҳий ҳолат билан ҳам боғлиқ. Бугунги ўйинга эътибор юқори даражада бўлмади. Иккинчи бўлимни ёмон бошладик. Биринчи дақиқадаёқ гол ўтказиб юбордик. Кейин эса финал ҳуштагига қадар ўйин асабий ўтди. "Қўқон-1912" кўпроқ ҳужум қилди, улар қўрқмасдан олдинга ўтишди. Тан олиш ва олқишлаш керак. Улар қайтишга ҳаракат қилишди. Уларда кўп вазиятлар бўлди. Бундай пайтда ўз вазиятларимиздан фойдаланиб, ишни тезроқ якунлаш керак. Шундай ҳолатда ўйин бунчалик босимга бой ўтмасди.

Балки бугун ўзимизнинг энг яхши ўйинимизни кўрсата олмагандирмиз. Лекин ютқазмадик. Бугун захирадан тушган янги футболчилар Сардор Раҳмонов ҳамда Жасур Жалолиддинов жамоага ёрдам беришди. Асосийси - футболчилар ўзларининг руҳий ҳолатини тезда тиклаб олишди. Захирадан тушган футболчилар эътиборни ушлаб туришди. Футболчиларимни ғалаба билан табриклайман. Ҳозир ҳар битта очко биз учун жуда муҳим. Энди 10 кун дам оламиз. Биринчи давра руҳан қийин ўтди, натижалар яхши бўлмади. Таркибни кучайтирамиз ва иккинчи даврада фақатгина олға ҳаракатланамиз. Биринчи даврада футболчиларим ўз даражасини намойиш қила олди, бироқ жадвалда юқорироқда бўлиш учун бироз омад етишмади деб ўйлайман. Умид қиламанки, иккинчи даврада биз жадвалда юқорироқда бўламиз", - деди Иван Бошкович.