Испаниялик мураббий АПЛ клуби таклифини рад қилди
10 фев 2023 11:32
Янгиликлар

Испаниялик мураббий АПЛ клуби таклифини рад қилди

"Лидс" бир неча кундан бери янги мураббий изламоқда.

Аввалроқ "Лидс" Жесси Маршни бош мураббийликдан бўшатганди. ОАВ маълумотларига кўра, америкалик мутахассис ўрнига Андони Ираола асосий номзод бўлган. Испаниялик мураббий ҳатто "Лидс"дан расмий таклиф олган. Бироқ "Onda Cero" хабарига кўра, таклиф рад этилган. Ираоланинг мақсади – "Райо Вальекано"да ишлашни давом эттириш.

40 ёшли испаниялик жуда яхши йўналишда кетаётган лойиҳадан воз кечмоқчи эмас. Айни дамда Мадрид яқинидаги жамоа Испания чемпионатида 5-ўринни эгаллаб турибди.

Ҳозирда "Лидс"ни вақтинчалик Майкл Скубала бошқармоқда. "Товуслар" айни дамда АПЛ турнир жадвалида 16-ўринда бормоқда.

Ҳавола :

Манба : Onda Cero

Янгиликларни Телеграмда ўқинг!

Рейтинг: