"Интер" ва "Реал" "янги Месси" учун курашмоқда
14 апр 2020 10:45
Янгиликлар

"Интер" ва "Реал" "янги Месси" учун курашмоқда

Аргентинанинг "Велес Сарсфилд" жамоаси ярим ҳимоячиси Тьяго Альмада икки Европа клуби эътиборига тушиб қолди.

Миланнинг "Интер" ва Мадриднинг "Реал" клублари Алмада билан шартнома имзолашмоқчи.

Transfermarkt 18 ёшли футболчини 18 миллион еврога баҳоламоқда. Ўйинчининг "Велес" билан тузган шартномаси 2023 йилнинг июнига қадар мўлжалланган.

Альмада Аргентинада аллақачон "янги Месси" номини олиб улгурган. Футболчи жорий мавсум барча мусобақаларда 25та ўйинда майдонга тушиб, 5та гол уришга эришди.

Олдинроқ, футболчига "Атлетико" қизиқаётгани ва ўйинчининг ўзи ҳам Диего Симеоне қўл остида ўйнашга қарши эмаслиги ҳақида хабарлар янграган эди.

Ҳавола :

Манба : calciomercato.com

Янгиликларни Телеграмда ўқинг!

Рейтинг: