Илёс Зейтуллаев: "Бугун футбол ўйнадикми?"

- Бугунги ўйин ҳақида фикрларингиз билан бўлишсангиз?

- Бугун футбол ўйнадикми? Мен йигитларимга раҳмат айтаман.

- Сизнинг кайфиятингиздан келиб чиқсак, ҳакамнинг қарорларидан норози кўринасиз...

- Йўқ. Ҳаммаси яхши ва жойида.

- "Бунёдкор" бугун 3та гол ўтказиб юборди. Жамоангиз жорий мавсумда бунча кўп гол ўтказмаётган эди. Ҳимоя чизиғининг ўйинига баҳо бериб ўтсангиз?

- Ҳимоячиларимиз ажойиб ўйин ўтказишди.

- Ўйинга тузилган режа қандай эди?

- Футбол ўйнаш.

- Бугунги мағлубиятнинг сабаби нимада деб ўйлайсиз?

- Бу саволга жавоб бериш қийин. Илтимос, шу саволни ўтказиб юборайлик(узоқ вақт жим туради). Вақт ўтгандан сўнг ушбу саволга жавоб беришим мумкин бўлади.

- Балки бугун "Навбаҳор" яхши ўйнагандир?

- Балки яхши ўйнагандир. Мен ўз футболчиларимга миннатдорчилик билдиришдан бошқа сўз топа олмаяпман. Мен улар билан ўтган мавсумдан буён ишлаб келмоқдаман ва улар нималардан ўтиб келаётганини биламан. Ҳозир тактика ва бошқа жиҳатлар ҳақида гапириш нотўғри. Вақти келса, сизлар журналистлар билан йиғилиб футбол ҳақида гаплашишни истайман. Футбол тактикаси ва шунга ўхшаш масалалар бўйича суҳбат қурамиз. Келинглар, шундай тадбир ташкиллаштирайлик. Футбол ҳақида гаплашайлик. Мен футболни яхши кўраман.

- Ўйин натижаси адолатли бўлдими?

- Ўзингиз нима деб ўйлайсиз?

- Баҳсли.

- Ўзингиз саволга жавоб бериб қўйдингиз-ку.