Илҳом Юнусов: "Терма жамоадан таклиф олиш ҳар қандай футболчини хурсанд қилади"

Қаршининг "Насаф" клубидаги ёрқин ўйинлари орқали ярим ҳимоячи Илҳом Юнусов ҳам бу йиғинга чақирув олди. Ҳамкоримиз "Футбол Экспресс" газетаси мухбири Юнусовдан интервью олди. Унинг асосий қисмини сизларга тақдим этамиз.

- Клубдаги фаол ўйинларингиз туфайли Миржалол Қосимов эътиборига тушиб Вьетнамга қарши ўйиндан олдинги йиғинга чақирув олдингиз. Бу чақирувни қандай қабул қилдингиз?
- Албатта, терма жамоадан таклиф келса, ҳар қандай футболчи хурсанд бўлади. Миллий терма жамоада ким ҳам ўйнашни хоҳламайди дейсиз! Шу боис таклифдан менинг ҳам бошим осмонга етди. Менга ишонч билдириб таклиф этишган экан, ўзимни кўрсатишга ҳаракат қиламан.

- Айни пайтда 31 ёшдасиз. Бундай ёшдаги футболчиларнинг терма жамоадан чақирув кутишлари қийин. Сиз ҳам буни кутмаганмидингиз?
- Тўғрисини айтсам, терма жамоадан таклиф тушади деб ўйламагандим. Бу мен учун кутилмаган ҳол бўлди. Ўз ўйиним билан терма жамоа мураббийлари эътиборига тушганимдан мамнунман.


Бобур Турсунов суҳбатлашди.