Гвардиола: “Флуминенсе”га қарши финал клубда йўқ чемпионлик сари сўнгги қадамдир”

“Биз дам оламиз, барчамиз биргаликда кечки овқатни тановул қиламиз. Футболчилар ушбу кубок “Ман Сити”га қанчалик муҳимлигини билишлари учун муҳит яратамиз.

Клублар ўртасидаги ЖЧга чиқиш учун жуда кўп иш қилиш керак, масалан, Чемпионлар лигасида ғалаба қозонишингиз лозим.

Эртага биз “Флуминенсе” ўйинларини кўриб, таҳлил қилишни бошлаймиз ва кейин яхши ўйин кўрсатишга ҳаракат қиламиз. Бу ерда ҳали ҳеч нарса ютганимиз йўқ.

“Манчестер Сити” бу турнирда илк бор иштирок этмоқда. Ушбу ажойиб клуб вакили эканлигимдан хурсандман. “Флуминенсе”га қарши финал клубда йўқ чемпионлик сари сўнгги қадамдир. Шунинг учун биз ғалаба қозонишга ҳаракат қиламиз”, — дея Гвардиоланинг сўзларини келтиради “Манчестер Сити” расмий сайти.