Гвардиола "Барселона" етакчиларидан бирини "Манчестер Сити"да кўрмоқчи
09 авг 2017 21:24
Янгиликлар

Гвардиола "Барселона" етакчиларидан бирини "Манчестер Сити"да кўрмоқчи

"Onda Cero"нинг маълумот тарқатишича, "Манчестер Сити" клуби "Барселона" ярим ҳимоячиси Серхио Бускетсни харид қилмоқчи.

Маълум бўлишича, инглиз клуби "кўк-анорранглилар"га футболчи борасида расмий таклиф юборишган. "Шаҳарликлар" Серхиони ўтган ёздаёқ сотиб олмоқчи бўлишган эди.

29 ёшли футболчининг трансферига Пеп Гвардиоланинг шахсан ўзи қизиқмоқда. Бускетснинг "Барселона" билан шартномаси 2021 йилга қадар мўлжалланган, товон пули эса 200 миллион евро деб белгиланган.