⭐️ Ғалабани оналар билан нишонлашни трендга олиб чиққан Марокаш ТЖ аъзолари ўз ватанида чемпионлардек кутиб олинди. Қирол уларни ўз саройида қабул қилди

Улар Африка вакиллари орасида энг яхши натижани кўрсата олишди. Футболчилар ватанига оила аъзолари билан бирга қайтиб келишди. Терма жамоа ўйинчилари жой олган автобус Работ кўчаларини айланди ва минглаб мухлислар уларни олқишлар билан кутиб олишди. 

Параддан кейин эса футболчилар жой олган автобус қирол Муҳаммад VI саройи томон йўл олди. Улар қироллик томонидан махсус медаллар билан тақдирланди. Марокаш терма жамоаси вакиллари ва уларнинг оила аъзолари тақдирлаш маросимидан кейин қирол Муҳаммад VI билан эсдалик учун расмга тушишди.