UZ

Сўнгги янгиликлар

17:29Суперлигада қолиш учун қайси клублар кураш олиб бориши маълум  6 17:26Виталий Левченко: "Кейинги мавсумда Фарғонада қолишим ёки қолмаслигимни билмайман"  0 17:10Суперлига. "Нефтчи" сафарда ютқазди, "Андижон" Тошкентда ғолиб бўлди ва қолган натижалар   37 16:34"ЎФФ Президенти кубоги" мусобақасида 3-тур учрашувлари ўтказилди  0 15:57"Кристал Пэлас" — "Манчестер Юнайтед". Таркиблар маълум  2 15:26Рафинья "Барселона"ни АПЛ клубига алмаштириши мумкин  4 14:42Симеоне Серлотнинг "Атлетико"дан кетиши мумкинлиги ҳақида гапирди  0 13:32Вальвердега яна бир АПЛ даъвогари пайдо бўлди  4 12:37"Ливерпул" ПСЖ юлдузини ўз сафига қўшиб олмоқчи. Трансфернинг асосий шарти маълум  6 11:51"Интер" "Реал" дарвозабонини ўз сафига қўшиб олиши мумкин  0 11:22Лондон клуби “Ювентус" юлдузини нишонга олди  0 10:57"Шўртан" футболчисига Қувайт ва Сербиядан қизиқиш бор  5 10:34ЎзПФЛ "йил футболчиси" учун номзодларни 5 тагача қисқартирди  21 10:10Месси жаҳон рекордини янгилади  41 09:43Sofascore. Шомуродов ва Файзуллаев кечаги ажойиб ҳаракатлари учун неча баҳога лойиқ кўрилди?  9

Франк Рибери: “Франция Бразилияга бориши шарт” Янгиликлар

Франк Рибери: “Франция Бразилияга бориши шарт”

Франция терма жамоасининг етакчиларидан бири Франк Рибери бугун бўлиб ўтадиган Украина – Франция ўйинидан олдин ФИФА расмий сайтига интервью берди. Қуйида мазкур суҳбатни ўқишингиз мумкин.
-   ЖЧ-2014 саралаш ўйинларининг плей-офф босқичидан ўрин олган Украинага қарши беллашувлар ҳақида нима дея оласиз?
-   Шахсан мен учун терма жамоамизнинг мундиалга бориши жуда муҳим. Украина – яхши жамоа, лекин Бразилияга Франция бориши шарт. Тан олайлик, биз кучлимиз ва буни иккита учрашувда исботлашимиз керак. Тўғри, осон бўлмайди, лекин ғалаба қозона оламиз.
 
-   Агар Франция жаҳон чемпионатига бора олмаса, унда нима бўлади?
-   Бутун мамлакат учун фожиа бўлади. Тўғриси, бу ҳақда ўйлаш ҳам қийин, йўқса ўзимизни босим остига қўйган бўламиз. Биз қўрқмасдан ўйнашимиз керак.
 
-   Қуръадан сўнг рақиб сифатида Украина маълум бўлгани сизни хурсанд қилдими?
-   Плей-офф ўйинларида ҳар қандай рақиб хавфли. Исландия бўладими ёки Португалиями... Ким бўлишидан қатъий назар, майдонга тушиб ғалаба қозониш керак.
 
-   Собиқ жамоадошингиз Анатолий Тимошук билан гаплашиб кўрдингизми?
-   Ҳа, биз гаплашдик. Иккаламиз ҳам фақат ғалаба ҳақида ўйлаяпмиз.

-   Биринчи учрашувни сафарда ўтказиш сизлар учун фойдалими?
-   Бу жуда муҳим. Агар Украинада яхши тўп сурсак, ўз майдонимизда янада эркинроқ ҳаракат қила оламиз.
 
-   Нима учун “Бавария”нинг кўпинча биринчи таймда ўйини қовушмаяпти?
-   Билмадим. Лекин иккинчи таймда яхши ҳаракат қиляпмиз. Эҳтимол, бу ҳар уч-тўрт кунда майдонга тушаётганимиз билан боғлиқдир.
 
-   Клублар ўртасидаги жаҳон чемпионати бу сафар Марокашда, декабрь ойида ўтказилади. Бу турнир сиз учун қанчалик муҳим?
-   “Бавария” учун ҳар бир мусобақа муҳим. Биз доим ғалаба қозонишни хоҳлаймиз.
 
-   Сиз учун мусобақанинг айнан Марокашда ўтказилиши ниманидир англатадими?
-   Албатта. Ахир мен ҳам мусулмонман ва Марокаш халқи француз тилида гапира оладиган мусулмонлар сирасига киради. У ерда жуда катта стадионлар бор деб эшитганман. Шундай экан, мен учун ўзгача мусобақа бўлади.

-   Ҳеч Марокашда бўлганмисиз?
-   Ҳозирча йўқ. Ўз вақтида Жазоирга боргандим, чунки турмуш ўртоғим ўша ерлик. Мен у ерда икки ҳафта маза қилиб дам олгандим.

-   2013 йилда сизни кўпроқ нима хурсанд қилди?
-   Мен соғломман ва деярли жароҳат олмадим. Бу эса футболчи учун жуда муҳим. Агар ҳаммаси шундай давом этса, футболдан кўпроқ роҳат олишда давом этавераман.

Х.Холиқов тайёрлади.
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика