"Фиорентина" хавбеки Бове ҳушини йўқотиб, майсага йиқилди ва уни тез ёрдам машинасида олиб кетишди. Ўйинчилар йиғлашди, "Интер" билан ўйин кўчирилди

"Фиорентина" хавбеки А Серия доирасидаги ўйиннинг 17-дақиқасида ҳушини йўқотган ҳолда, майдонга йиқилди.

Шифокорлар ўйинчига ёрдам кўрсатаётганда футболчилар уни камерадан яшириш учун ўраб олишди. Айрим футболчиларнинг кўзида ёшни кўриш мумкин эди.

Бир неча дақиқалардан сўнг Бовени тез ёрдам машинасида майдондан олиб кетишди.

Ўйин тўхтатилди, футболчилар майдонни тарк этишди. Кейинроқ ўйин бошқа кунга қолдирилгани маълум бўлди.