Февзи Давлетов: "Жамоада ҳаммаси яхши, фақатгина натижа йўқ"

- Ўйин ҳақида

- Ўйин биз кутганимиздек бўлди. Ўйинга тайёргарлик жараёнида рақиб стандарт вазиятлардан яхши фойдаланиши билгандик. Айнан стандарт вазиятидан гол ўтказиб юбордик. Айрим бир жиҳатларда ўйинимиз ўхшамади. Йўқ жойдан пенальти олиб келдик. Ҳужумда агрессивроқ ўйнашимиз керак эди.

- "Сурхон" дастлабки уч учрашувда мағлубиятга учради. Бунга сабаб нима деб ўйлайсиз? Ўтган мавсумдаги "Сурхон"ни йўқолиб қолгандек.

- Оптимал таркиб изламоқдамиз ва шу жараён давомида хатолар қилдик. Руҳий томонлама босим ҳам бор. Хатолардан кейин ўйинга қайтиш жуда қийин.

- Суперлига кичик танаффусга чиқади. Жамоангизда кичик танаффус давомида қандай ўзгаришлар қилмоқчисиз? Танаффусдан кейин қандай "Сурхон"ни кўрамиз?

- Бугун яна қизил карточка олдик. Егор Кримец узоқ танаффусдан сўнг майдонга қайтганди, аммо бугун қизил карточка олди. Яна йўқотишга учрадик. Марказий ҳимояда йўқотишларимиз бор. Кичик жароҳатлар жуда кўп.

- Бундай ёмон натижалардан кейин жамоадаги ички муҳит бузилиш ҳолатлари гувоҳи бўлганмиз. Жамоангиздаги ички муҳит қандай?

- Жамоада ҳаммаси яхши, фақатгина натижа йўқ.