Европа чемпионатлари. Қайси терма жамоа саралашдан ўта олмай чемпионга айланган?

Биласизми? Дания терма жамоаси 1992 йилги Европа чемпионатида ҳақиқий сенсация кўрсата олган. Терма жамоа саралаш ўйинлари якунига кўра қитъа чемпионатига йўл ола билмаган. Бироқ, турнир бошланишига бир неча кун қолганида сиёсий сабабларга кўра турнирда қатнашмайдиган Югославия терма жамоасининг ўрнига чемпионатда қатнашиш учун чақирув оладилар. Бунинг устига, терма жамоада мураббий билан уришиб қолган етакчи Михаэль Лаудруп бўлмаган. Натижада данияликлар ҳақиқий сенсация кўрсата олганлар ва финалга йўлланма олиб, ҳал қилувчи ўйинда Германия терма жамоасини мағлубиятга учратгандилар. Бу Дания терма жамоасининг бугунги кунга қадар кўрсатган энг яхши натижасидир.