Это'О Камерун футбол федерацияси президенти этиб сайланди
11 дек 2021 20:43
Янгиликлар

Это'О Камерун футбол федерацияси президенти этиб сайланди

Теглар : Самуэль Это'O "Челси"Камерун футбол федерацияси "Интер""Реал Мадрид""Барселона"

"Барселона", "Интер" ва "Челси" собиқ ҳужумчиси Самуэль Это'О рабҳарлик лавозимини эгаллади.

"40 ёшли собиқ футболчи сайлов натижаларига кўра амалдаги президент Сейду Мбомбуо Нджояни ортда қолдирди — 43 га 31", – дея хабар берди федерация матбуот хизмати.

Эслатиб ўтамиз, Самуэль Это'О профессионал фаолиятини 2019 йилда тугатган эди. Камерунлик фаолияти мобайнида "Реал", "Мальорка", "Барселона", "Интер", "Анжи", "Челси", "Эвертон", "Сампдория", "Антальяспор", "Коньяспор", "Қатар СК" клубларида тўп тепган.

Это'О уч марта Чемпионлар лигасини ютган, уч марта Испания чемпионига айланган ва бир бор Италия А Сериясида зафар қучган.

Самуэль — Камерун терма жамоасининг энг яхши тўпурари. У миллий терма жамоа шарафини 1996 йилдан 2014 йилга қадар ҳимоя қилган.

Ҳавола :

Манба : africanews.com

Янгиликларни Телеграмда ўқинг!

Рейтинг: +10