"Этихад" стадиони сиғими 61 000 ўринга етказилади
30 мар 2023 16:59
Янгиликлар

"Этихад" стадиони сиғими 61 000 ўринга етказилади

"Манчестер Сити" стадионида ўйингоҳ сиғимини орттириш ишлари олиб борилади.

"Шаҳарликлар" футбол учрашувларини ўтказадиган майдонни рақобатчилариники билан тенглаштириш мақсадида 300 млн фунт сарфлайди.

Режага биноан стадионнинг Шимолий Стэнди иккинчи қаватига яна 7700 ўриндиқ жойлаштирилади. Ишлар жорий йилнинг ноябрь ойида бошланиб, 2025/26 йилги мавсум учун тайёр ҳолга келтирилиши кўзда тутилган.

Шунингдек, клуб эгалари инфратузилмани янада яхшилаш учун харажатларнинг умумий миқдорини 1 миллиард фунтга етказишни ўйламоқда. Қайта қуриш жараёнида кампусни янада модернизация қилиш учун янги меҳмонхона, ёпиқ фан-парк, мегадўкон ва музей барпо қилинади. Шу билан бир қаторда, машғулот майдончалари ва жамоат марказлари қурилади.

Агар қурилиш режаси тасдиқланса, стадиондаги янгиланишлар 2025/26 йилги мавсумгача, бошқа бинолар эса бир йилдан кейин фойдаланишга топширилади. Ушбу лойиҳа 2600 янги иш ўрнини яратиши кутилмоқда.

Ҳавола :

Манба : Daily Mail

Янгиликларни Телеграмда ўқинг!

Рейтинг: +6