Ишончли манбаларнинг хабар беришича, Ўзбекистон футзал федерацияси бу йил ҳам Суперкубок учрашувига жаҳон футболи афсоналарини таклиф этган. 2 сентябрь куни Тошкентдаги «Ҳумо Арена» спорт мажмуасида бўлиб ўтадиган BMB PFC – SQB PFC учрашувини Оскар, Рикарду Куарежма, Марко Матерацци сингари жаҳон футболида ўз номига эга бўлган ўнлаб юлдузлар бевосита стадиондан кузатиб бориши кутилмоқда.
Эслатиб ўтамиз, Ўзбекистон Суперкубоги учрашуви 2 сентябрь куни соат 18:00 да «Ҳумо Арена»да старт олади.
Футбол мухлисларини эса эртаси куни яна бир катта томоша кутмоқда. 3 сентябрь Жаҳон футболи афсоналари — Ўзбек футболи афсоналари ўртоқлик учрашуви футбол ишқибозлари учун Мустақиллик байрамига совға бўлади.
