Елкасидан жароҳат олган Сардор Рашидовнинг ҳолати қандай?
19 авг 13:42
Янгиликлар

Елкасидан жароҳат олган Сардор Рашидовнинг ҳолати қандай?

7 август куни Жиззахда ўтказилган Ўзбекистон кубоги чорак финалидан ўрин олган “Сўғдиёна” – “Навбаҳор” (2:3) ўйинида 33 ёшли тажрибали ярим ҳимоячи Сардор Рашидов елкасидан жароҳат олганди.

"Биз футболчининг соғлигини билиш ниятида у билан боғланганимизда, Сардор ўша ўйиннинг эртасига унда жарроҳлик амалиёти муваффақиятли ўтказилганлиги, айни пайтда соғлиги яхши эканлиги, даволаниш муолажаларини олаётганлигини таъкидлаб, “Навбаҳор” клуби раҳбарияти ҳамда ходимлари, жамоамиз мураббийлар штаби ва футболчилари, шунингдек, мухлисларга ўзининг алангали саломини етказди ҳамда жамоага бўлажак ўйинларда омад ёр бўлишини тилади.

Тажрибали ярим ҳимоячининг жароҳатидан тезроқ фориғ бўлиб, “лочинлар” сафига қайтишига тилакдошмиз", - деб ёзади “Навбаҳор” ПФК матбуот хизмати.