Дубайдан ёзамиз! Осиё Кубоги-2019 қуръасига тайёргарлик давом этмоқда

Ушбу маросимни ёритиш мақсадида футбол мухлисларининг севимли сайти "Championat.asia"дан ҳам вакил ташриф буюрган. Ҳозирда Бурж Халифадаги "Armani Hotel" меҳмонхонасида қуръага тайёргарлик давом этмоқда. Бу ерда меҳмонхонага кираверишдаёқ футбол муҳитига дуч келасиз.

Кўплаб ОФК вакиллари ҳамда ОАВ ходимлари шу ерда. Қуръа маросими ўтказиладиган залда журналистлар учун алоҳида жой қилинган бўлиб, ишлаш учун шароит бор, лекин то қуръа маросими тугамагунча интервью олишга рухсат берилмайди.

Шу ўринда яна бир бор саватчаларни эслатиб ўтамиз.

1-саватча
БАА
Эрон
Австралия
Япония
Жанубий Корея
Саудия Арабистони

2-саватча
Хитой
Сурия
Ўзбекистон
Ироқ
Қатар
Таиланд

3-саватча
Қирғизистон
Ливан
Фаластин
Уммон
Ҳиндистон
Вьетнам

4-саватча
КХДР
Филиппин
Баҳрайн
Иордания
Яман
Туркманистон

Демак, Ўзбекистон терма жамоаси 2-саватчадан жой олган ва бугун вакилларимиз гуруҳдаги рақибларини билиб олишади. Шуниси аниқки, БАА мусобақа мезбони бўлгани учун мазкур юрт терма жамоаси "А" гуруҳидан ўрин олиб бўлган.

Сизнингча, Ўзбекистонга рақиб сифатида қайси жамоалар тушгани маъқул? Бу борада ўз тахминларингизни билдиришингиз мумкин. Тадбир эса маҳаллий вақт билан 19:30 (Тошкент вақти 20:30)да старт олади.

Хайрулло Холиқов Дубайдан championat.asia учун маҳсус