Довбик жароҳат сабаб Украина терма жамоасидан Римга қайтди, "Рома" Шомуродовни кейинги ўйинга қўйиши мумкин

Украиналик ҳужумчи сон мушагидаги давомли оғриқ сабаб терма жамоадан қайтишга мажбур бўлди.

Довбик жароҳатни "Рома"нинг "Ювентус"га қарши ўйинида олган ва шунга қарамай Миллатлар лигаси ўйинлари олдидан Украина терма жамоаси ихтиёрига йўл олганди. Якунда ҳужумчи жароҳатни тиклашда давом этиш учун "Рома"га қайтиб келди.

"Жаллоросси" Довбикни халқаро танаффусдан кейинги "Женоа"га қарши баҳсга қадар қайтармоқчи. II Messaggero'нинг хабар беришича, клуб керак бўлиши мумкинлиги сабаб Элдор Шомуродовни асосий таркибга қўйишни ўйламоқда.

Де Росси шунингдек Пауло Дибаладан "тўққизлик"да фойдаланиши мумкин.