Давид Райя: "Янги тўплар эскисидан фарқ қилади"
01 сен 00:52
Янгиликлар


Давид Райя: "Янги тўплар эскисидан фарқ қилади"
Учрашувда киритилган ягона гол 83-дақиқада Доминик Собослаи томонидан жаримадан киритилди.
"Ҳозирча голни такроран кўрганим йўқ. Исталган ўтказиб юборилган гол қатори бу тўпнинг кириб кетганидан афсусдаман. Зарба жуда зўр бўлди. Тўп менга келгунча йўналишини жуда кўп ўзгартирди ва мендан қочди. Умид қиламанки, кейинги сафар тўпни қайтара оламан.
Бу зўр зарба эди, айниқса янги тўп билан... Биз ҳали ҳам бу тўпга мослашишимиз керак. Тўпнинг йўналиши ўзгаргани учун ҳолатни баҳолаш қийин бўлди.
"Puma" тўплари "Nike"дан ажралиб туради. Бу тўплар қўлга тушганда ёки зарбани қайтарганда ҳам бошқача ҳис қиламан. Биз узоқ йиллар "Nike" тўпларида ўйнадик, бу барча учун бир хил бўлиб қолган бўлиши керак.
Олдинга интилишга ҳаракат қилдик. "Ливерпуль"ни ҳимояда ушлай олдик. Бу ўйиндан ижобий ҳолатларни чиқариб олиш керак. Биз кучли олтиликдаги жамоаларга кўп ҳам мағлуб бўлмаяпмиз. Ҳали бир қанча жиҳатларда олдинга кўплаб қадамлар ташлашимиз керак. Доимо ўрганишда давом этишимиз лозим", - деди "Арсенал" кипери.
Ўхшаш янгиликлар

Фикрлар