Coca Cola Суперлига. 3-турда томошабин бўйича яна "Навбаҳор" тенгсиз
21 мар 2021 13:43
Янгиликлар

Coca Cola Суперлига. 3-турда томошабин бўйича яна "Навбаҳор" тенгсиз

18-20 март кунлари Суперлиганинг 3-туридан ўрин олган 7та ўйин бўлиб ўтди.

ПФЛ маълумотига кўра, бу ўйинларни томоша қилиш учун стадионларга жами 39491 нафар мухлис ташриф буюрди.

Бу ҳар бир баҳсга ўртача 5641 томошабин келганини англатади.

Энг кўп мухлис Наманганда ўтган "Навбаҳор" - "Насаф" учрашувига келди - 19358. Бу борада иккинчи натижа Навоийдаги "Қизилқум" - "Сўғдиёна" учрашувига тегишли бўлди - 5632.

Муборакдаги "Машъал" - "Металлург" баҳсига 558 томошабин келган. Бу ҳам учинчи турдаги, ҳам 2021 йилдаги энг паст кўрсаткич ҳисобланади.

Coca Cola Суперлига. 3-турда томошабинлар ташрифи:
"Навбаҳор" - "Насаф" - 19358 томошабин
"Машъал" - "Металлург" - 558 томошабин
"Қизилқум" - "Сўғдиёна" - 5632 томошабин
"Турон" - "Локомотив" - 5000 томошабин
"Сурхон" - "Қўқон-1912" - 3576 томошабин
"Бунёдкор" - "Андижон" - 2355 томошабин
АГМК - "Пахтакор" - 3012 томошабин