"Челси" ва "Барселона" Обамеянг бўйича келишувга эришди

Пьер-Эмерик Обамеянг "Челси"га ўтишга яқин турибди.

Клублар ҳужумчини 14 миллион евро эвазига Лондон клубига ўтказишга келишиб олдилар, шунингдек, ушбу шартнома доирасида ҳимоячи Маркос Алонсо "кўк-анорранглилар" сафига ўтади. 

Клублар трансфер тафсилотларини якунлашмоқда, Обамеянг яқин орада Лондонга учиб кетади.

"Челси" ҳам ҳужумчининг ўзи билан келишувга эришган. Фабрицио Романонинг сўзларига кўра, 33 ёшли ҳужумчи шартномани бир мавсумга узайтириш имкониятини ўз ичига олган 2 йиллик келишув имзолайди.

Обамеянг ўтган қишда "Барса"га ўтган эди. Ла Лигада у 17 та ўйинда майдонга тушиб, 11 та гол урган.