"Бухоро" мавсумни қайси стадионда бошлаши аниқ бўлди

"Аввалроқ Суперлиганинг 4 та клуби янги мавсумни қайси аренада ўтказиши ноаниқ эканлиги ҳақида хабар берилган бўлиб, улар орасида "Бухоро" ҳам бор экани очиқланганди. 

Бугун — 9 январь куни "Бухоро" клуби Тошкентдаги "Жар" стадиони билан келишувга эришди ва уч томонлама тузилган шартномани Лига рўйхатидан ўтказди. Шунингдек, "Пахтакор" клуби ҳам ўз аренаси тайёр бўлгунига қадар уй учрашувларини "Жар" стадионида ўтказиши айтилганди. 

Бухоро шаҳридаги стадион Суперлига талаби даражасига қачон тайёр бўлса, Лига уни қабул қилиш учун ўз мутахассисларини юборади. Стадион қабул қилинганидан кейингина мазкур аренада расмий учрашувларни ўтказиш учун рухсат этилади", - дейилади ЎзПФЛ расмий баёнотида.