"Бургос" билан музокаралардан қочган Очоа Кипр жамоасига ўтди
12 сен 2025 14:11
Янгиликлар

"Бургос" билан музокаралардан қочган Очоа Кипр жамоасига ўтди

Кипрнинг АEЛ футбол клуби ўзининг расмий сайтида мексикалик дарвозабон Гильермо Очоанинг трансфери ҳақида эълон қилди.

Қайд этилганидек, томонлар шартнома тузиш бўйича принципиал келишувга эришган ва у футболчи тиббий кўрикдан ўтганидан кейин кучга кириши керак.

ОАВ маълумотларига кўра, 40 ёшли Очоа Испаниянинг "Бургос" клуби билан музокаралар олиб борган. У шартнома бандларидан бирини ўзгартиришни сўраган ҳамда кофе ичишга чиққан, кейин эса қайтмаган ва қўнғироқларга жавоб беришни тўхтатган.

Очоанинг сўнгги бор Португалиянинг АВС САД жамоаси шарафини ҳимоя қилган. Шунингдек, у Европада "Аяччо," "Малага", "Гранада", "Стандард" ва "Салернитана" либосларида ўйнаган.

Очоа Мексика терма жамоаси сафида 152 ўйин ўтказган. Дарвозабон учта жаҳон чемпионатида (2014, 2018, 2022) майдонга тушган ва яна иккитасида (2006, 2010) қайдномада бўлган, бироқ тушмаган.

Ҳавола :

Манба : arabnews.com

Янгиликларни Телеграмда ўқинг!

Рейтинг: +3