Бугун 2020 йилги Суперлига бошланади. “Пахтакор” “Навбаҳор” билан ўйнайди

Фақатгина ушбу жамоалар чемпионатлар доирасида барча мавсумларда иштирок этиб келишади. Демак, бу тўқнашувларни классик қарама-қаршилик туркумига киритиш мумкин. Томонлар ҳозирга қадар 58 учрашувда майдонга тушишган. Ўзаро ўйинлар бўйича устунлик яққол "шерлар" тарафида. 36 баҳсда зафар қучган "Пахтакор" 9 бор рақиб билан дуранг ўйнаган ва 13 марта имкониятни бой берган. "Навбаҳор" дарвозасига 98 гол урилиб, 45 тўп ўтказиб юборилган.

Тошкентдаги учрашувларнинг 24тасида "Пахтакор" ғалаба қозониб, 4 дуранг ва 1 мағлубиятни қайд этган. “Пахтакор” ўз майдонида охирги 23 ўйинда 21 ғалаба ва 2 дурангга эришиб, умуман мағлубиятга учрамаган. Ўз ўpнида шуни таъкидлаш жоизки, “Навбаҳор” Андрей Канчельскис мураббийлигида Тошкентда “Пахтакор”га ютқазмаган. Пойтахтда 2018 йили ўтказилган ўйинда 0:0, 2019 йили бўлиб ўтган баҳсда эса 2:2 ҳисобидаги дуранг қайд этилган.

Ўзаро ўйинлар тарихида қайд этилган энг йирик натижа - 7:0 ҳисоби жамоаларнинг Тошкентда 2009 йил ўтган беллашувида кузатилган. Ўшанда "Пахтакор" наманганликларни ўта йирик ҳисобда доғда қолдирган. Жами 8 марта "шерлар" наманганликларни йирик натижалар билан тор-мор келтирган. Бу сафар мавсумнинг очилиш учрашувида жамоалар ўзаро тўқнаш келишади.

"Пахтакор" сафига янги мавсум олдидан Эрен Дердийок (Швейцария), Умар Эшмуродов, Анзур Исмоилов, Асадбек Собиржонов ва Аброр Исмоилов каби янги футболчилар келишди.

"Навбаҳор"га янги мавсумдан олдин Хуршидбек Мухторов, Ислом Исоқжонов, Ҳусайн Эргашбоев, Жавлон Иброҳимов, Ислом Абдуллахонов, Ислом Рашидхонов, Тоҳир Шамситдинов, Анвар Ҳожимирзаев, Сардор Теляков, Руслан Болов (Россия), Забиҳилло Ўринбоев ва Шаҳзод Ҳамидов каби футболчилар қўшилишди.

"Пахтакор" ва "Навбаҳор" ўртасидаги учрашув 27 февраль, пайшанба куни "Пахтакор" стадионида соат 16:00да старт олади.

Пахтакор Игорь Сергеев - 51', Игорь Сергеев - 89'

Суперлига. 1-тур 27/02/2020, 16:00 1 : 2 Тугади

Навбаҳор Иван Соловьёв - 26'

Бош ҳакам: Илгиз Танташев

45'

90'

12'  Хожиакбар Алижонов

33'  Егор Кримец

41'  Сардор Собирхўжаев

51'  Игорь Сергеев

51'  Драган Черан

68'  Сардор Собирхўжаев (Эрен Дердийок)

72'  Эрен Дердийок

78'  Егор Кримец

83'  Достонбек Ҳамдамов (Асадбек Собиржонов)

89'  Игорь Сергеев

89'  Анзур Исмоилов

90'  Игорь Сергеев (Шерзод Аъзамов)

90'  Фаррух Сайфиев

21'  Исломбек Исоқжонов

26'  Иван Соловьёв

26'  Аббос Ғуломов

45'  Исломбек Исоқжонов

82'  Хуршидбек Мухторов

Матч-центрда очиш