“Брайтон” футболчисида ҳам коронавирус аниқланди

Барбернинг сўзларига кўра, клубнинг уч нафар футболчисида коронавирус аломатлари кўрингандек бўлган. Улар тест топширган, натижада улардан фақат биттаси коронавирус юқтириб олгани маълум бўлган. Касалланган футболчига барча зарур ёрдам кўрсатилиши таъкидланган.

Эслатиб ўтамиз, Англияда ҳозирга қадар Каллум Хадсон-Одои (“Челси”), Жеймс Болтон, Энди Кеннон, Шон Рагет (ҳаммаси — “Портсмут”) ва Чарльз Остин (“Вест Бромвич”) каби футболчиларда коронавирус аниқланганди.