"Бордо" биргина мухлиснинг иши туфайли Лига 1га чиқиш имкониятидан маҳрум бўлди
12 июн 2023 20:45
Янгиликлар

"Бордо" биргина мухлиснинг иши туфайли Лига 1га чиқиш имкониятидан маҳрум бўлди

"Бордо"га "Родез"га қарши Лига 2 баҳси учун техник мағлубият ёзилди.

Эслатиб ўтамиз, Лига 2нинг сўнгги тур ўйини биринчи бўлимда тўхтатилган эди. Ўша баҳсда майдонга тушиб кетган "Бордо" мухлиси голни нишонлаётган "Родез" хавбеки Люка Бюадени туртиб юборади, шундан сўнг футболчини замбилда олиб чиқиб кетишди.

Интизом қўмитаси "Бордо"га техник мағлубият ҳисоблаш қарорини қабул қилди. "Бордо" келаси мавсум Лига 1да ўйнаши учун ушбу баҳсда ғалаба қозониши керак эди.

Шундай қилиб, келаси мавсум Лига 1да 2-ўринни эгаллаган "Метц" ҳамда иккинчи дивизион ғолиби "Гавр" иштирок этади. 3-ўринда қолган "Бордо" эса Лига 2да ўйнайверади.

Ҳавола :

Манба : L’Equipe

Янгиликларни Телеграмда ўқинг!

Рейтинг: +3