Бони фаолиятини Италия ёки Туркияда давом эттириши мумкин
15 авг 2019 13:18
Янгиликлар

Бони фаолиятини Италия ёки Туркияда давом эттириши мумкин

"Манчестер Сити" собиқ ҳужумчисининг сўнгги клуби "Суонси" бўлган эди.

Ивуарлик футболчи шу ёзда жамоасини эркин агент сифатида тарк этган эди. Ундан олдин эса Қатарнинг "Ал Араби" клубида ижара асосида тўп тепди.

Вилфрид Бони агенти Италия ва Туркия чемпионатидаги клублар бўйича ишлаётганини таъкидлаган.

"Мен яхши формада бўлишим ва янги жамоа топишим учун машғулотлар олиб боришим керак. Менинг агентим Италия ва Туркия клублари билан музокаралар олиб бормоқда. Биз энг яхши таклифни кутмоқдамиз. Умид қиламанки, тезда янги клуб топаман", - дейди ҳужумчи.

Футболчи якунланган мавсум 14та ўйинда майдонга тушиб, 6та гол уришга эришган.