"Болонья" ҳимоячисини "Арсенал"га сотишдан бош тортди

"Болонья" ҳимоячиси Риккардо Калафьорини "Арсенал"га сотишни хоҳламади. Бу ҳақда "Corriere dello Sport" хабар бермоқда.

"Канонирлар" футболчи учун 47 млн евро таклиф қилган. "Россоблу" ушбу таклифни рад этган. Италияликлар футболчини камида 50 млн еврога баҳоламоқда.

"Канонирлар" рад жавобига қарамай, трансфер устида ишлашда давом этади. Клублар ўртасидаги музокаралар давом этмоқда.

Калафьори "Болонья"да 1 мавсум ўйнади. 22 ёшли марказий ҳимоячи ўтган мавсум А Серияда 30 та ўйин ўтказиб, 2 та гол урди ва 5 та голли узатмани амалга оширди.