Болалар футболи: Яшнобод туман ҳокими кубоги

Илк маротаба уюштирилаётган мазкур мусобақа 198-сонли умумтаълим актаби сунъий қопламали стадионида ўтказиляпти.

Турнирда Яшнобод, Бектемир ҳамда Миробод туманидаги болалар ва ўсмирлар футбол мактаблари ҳамда маҳаллаларнинг 2003-2004 йилларда туғилган ёш футболчилари майдонга чиқишяпти. Унда саккиз жамоа икки гуруҳга бўлинган ҳолда ғолиблик учун кураш олиб боришмоқда.

“А” гуруҳидан “Яшнобод”, БФМИ, “Янги нур”, “Янги давр” жамоалари жой олган бўлса, “B” гуруҳида “Бектемир”, “Шоҳсанам”, “Старт”, “Катта Янгиобод” футболчилари ўзаро баҳс юритишяпти.

Мусобақанинг очилиш маросими байрам тусини олди. Унда Ҳоким кубоги турнири ташкилотчилари, мутахассислар, ёш футболчилар ҳамда санъаткорлар иштирок этишди.

Яшнобод туман Ҳокими кубогининг гуруҳ босқичи дастлабки турларида қуйидаги натижалар қайд қилинди:

“А” гуруҳи,
Биринчи тур
“Яшнобод” — БФМИ — 0:1, “Янги нур” — “Янги давр” — 3:2
Иккинчи тур
“Яшнобод” — “Янги нур” — 12:2, БФМИ — “Янги давр” — 3:0.

“В” гуруҳи,
Биринчи тур
“Бектемир” — “Старт” — 0:2, “Шоҳсанам” — “Катта Янгиобод” — 3:2
Иккинчи тур
“Бектемир” — “Шоҳсанам” — 1:0, “Старт” — “Катта Янгиобод” — 2:4.

Турнир ғолиб ва совриндорлари 5 май куни маълум бўлади.