Бэйл футболчилик фаолиятини якунлаганига изоҳ берди
09 янв 2023 21:15
Янгиликлар

Бэйл футболчилик фаолиятини якунлаганига изоҳ берди

Гарет Бэйл 33 ёшида футболчилик фаолиятини якунлашга қарор қилди.

"Пухта ва обдон ўйлаб кўрганимдан сўнг, футболчилик фаолиятини якунлаганимни эълон қиламан", — деди Бэйл.

Гарет орзуси рўёбга чиққани ва профессионал футболда 17 мавсумни ўтказганидан хурсандлигини билдирди. Уэльслик футболчининг сўзларига кўра, у ўз фаолияти билан фахрланади. Бэйл ўзининг собиқ клублари - "Саутгемптон", "Тоттенхэм", "Реал" ва "Лос-Анжелес"га, оиласи ва дўстларига, шунингдек, футболда йўли кесишган одамларга миннатдорчилик билдирди.

"Ҳаётимда янги саҳифа очилаётганидан хурсандман. Бу ҳам ўзгаришлар ва янги саргузаштлар учун имконият саналади", - деб ёзди Бэйл ижтимоий тармоқдаги саҳифасида.

Ҳавола :

Манба : instagram.com/garethbale11/

Янгиликларни Телеграмда ўқинг!

Рейтинг: +13