"Бавария" бир пайтлар Варанни 5 млн еврога сотиб олишни хоҳламаган
13 апр 2020 07:03
Янгиликлар

"Бавария" бир пайтлар Варанни 5 млн еврога сотиб олишни хоҳламаган

"Бавария" собиқ ҳимоячиси Вилли Саньол клуб бир пайтлар Рафаэль Варанни сотиб олиши мумкин бўлгани ҳақида гапирди.

Ўшанда Рафа "Ланс"да тўп тепарди.

"Мен "Бавария"далигимда бир дўстим қўнғироқ қилди ва "Ланс"даги супер қизиқарли ёш ўйинчини албатта кўришим кераклигини айтди. Мен унинг қандай ажойиб ўйнаганини кўрдим. Кейинги 48 соат ичида унинг трансфер нархи 5 миллион евро эканлиги менга маълум бўлди. Лекин, Мюнхен клуби раҳбарияти менга 18 ёшли футболчи учун бу сумма жуда кўп эканлигини айтишди. 2 ойдан кейин эса у "Реал"га ўтди. "Бавария" эса жамоа учун 10-12 йил ўйнаб бера оладиган ҳимоячини йўқотди", - дея Саньолнинг сўзларини келтирди "RMC Sport".