"Барселона" Бускетс билан музокараларни бошлайди

Испания терма жамоаси ва "Барселона" тажрибали ярим ҳимоячиси Серхио Бускетснинг жорий мавсум охирида ҳозирги клуби билан битими ниҳоясига етади.

Жамоа устози Хави Эрнандес 34 ёшли футболчини яна бир йилга "Камп Ноу"да сақлаб қоладиган янги келишувга эришиш ниятида. Агар у яқинда бошланадиган музокаралар якунида ҳам клубни тарк этишда қатъий турса, унинг ўрнини босиши мумкин бўлган номзодларга эътибор қаратилади.

"Реал Сосьедад" ярим ҳимоя чизиғи вакили Мартин Субименди "кўк-анорранглилар"нинг ҳозирги пайтдаги энг асосий нишони бўлиб турибди.