"Барселона" бош мураббийи Ханс-Дитер Флик "Манчестер Юнайтед"дан ижарага олинган ҳужумчи Маркус Рэшфорд ҳақида ўз фикрини билдирди.
"Маркус ажойиб футболчи, уни "Манчестер Юнайтед"да фаолиятини бошлаган пайтидан бери кўп йиллар давомида кузатиб келаяпман. У жуда истеъдодли ва умид қиламизки, у ўзининг маҳоратини жамоа билан янги мавсумда намоён эта олади," - дея Фликнинг сўзларини Sport.es келтиради.
Маркус Рэшфорд "Манчестер Юнайтед" академиясини тугатган бўлиб, ўтган мавсумнинг иккинчи ярмини "Астон Вилла"да ижарада ўтказди. Ўтган мавсумда у 41 та ўйинда 11 та гол урди ва 9 та голли узатма берди. Бундан ташқари, Маркус Рашфорд 2016 йилдан буён Англия миллий терма жамоаси сафида ўйнаб келмоқда.
