Баҳрайндаги U-16 Осиё чемпионати ноябрь ойига қолдирилди
20 май 2020 14:42
Янгиликлар

Баҳрайндаги U-16 Осиё чемпионати ноябрь ойига қолдирилди

Коронавирус пандемияси туфайли ОФК қитъа чемпионатини ноябрь ойига қолдиришга қарор қилди.

Аслида мусобақа 16 сентябрдан 3 октябрга қадар бўлиб ўтиши керак эди.

Осиё чемпионатида қуйидаги 16та терма жамоа иштирок этади: Баҳрайн (мезбон), Тожикистон, Ҳиндистон, Эрон, Саудия Арабистони, Қатар, БАА, Хитой, Австралия, КХДР, Япония, Жанубий Корея, Яман, Индонезия, Ўзбекистон, Уммон.

Маълумот учун, Ўзбекистон U-16 терма жамоасига айни пайтда Олим Шокиров мураббийлик қилмоқда.