БАА собиқ устози: "Космин Олариунинг афзаллиги шундаки, у футболчиларни яхши билади, шунинг учун унинг қараши уларни экранлар орқали ёки масофадан кузатадиган бошқа ҳар қандай мураббийникидан фарқ қилади"
04 июн 12:53
Янгиликлар

БАА собиқ устози: "Космин Олариунинг афзаллиги шундаки, у футболчиларни яхши билади, шунинг учун унинг қараши уларни экранлар орқали ёки масофадан кузатадиган бошқа ҳар қандай мураббийникидан фарқ қилади"

БАА собиқ мураббийи доктор Абдуллоҳ Мисфер миллий терма жамоа бош мураббийи, руминиялик Космин Олариунинг 2026 йилги ЖЧ саралаши 3-босқичи "А" гуруҳи 9-тур ўйинининг мураккаблигига қарамай, ўзбекистонлик ҳамкасби устидан ғалаба қозониш учун зарур восита ва имкониятларга эга эканлигини таъкидлади.

Шунингдек, у жамоанинг биринчи ўйинда (0:1) мағлубиятига сабаб бўлган мудофаадаги камчиликларни бартараф этиш муҳимлигини алоҳида қайд этди.

Мисфер "Emirates Today" нашрига шундай деди:

"Жамоанинг Жаҳон чемпионатига йўлланма олиш имконияти ва миллий терма жамоа ўйинчиларининг имкониятлари қўлдан бой берилмаслиги керак, чунки жамоанинг Ўзбекистон ва Қирғизистонни енгишдан бошқа чораси йўқ. Шунингдек, Қатар терма жамоаси саралашнинг сўнгги босқичида Ўзбекистонни мағлуб этишини кутиш керак, бу эса (оқ либослилар — таҳр.) мундиалга тўғридан-тўғри йўлланмани қўлга киритишини таъминлайди.
Космин томонидан танланган футболчилар ҳозирда энг яхши тайёргарликка эга. БАА ҳимоя ва ҳужум ўртасидаги мувозанатни сақлаган ҳолда ўйнаши лозим.
Ўзбекистонга қарши тўп тепиш мураккаб, аммо жамоа ўзини кўрсатиши мумкин, чунки унда янги рўйхатга киритилган ўзига хос хусусиятларга эга ўйинчилар бор. Уларнинг барчаси кучли бўлиб, бу ўйинчилар ўртасида рақобат муҳитини яратади.
Косминнинг афзаллиги шундаки, у футболчиларни яхши билади, шунинг учун унинг қараши уларни экранлар орқали ёки масофадан кузатадиган бошқа ҳар қандай мураббийникидан фарқ қилади".

Эслатиб ўтамиз, БАА — Ўзбекистон беллашуви 5 июнь куни 21:00 да бошланади.

Ҳавола :

Манба : Emirates Today

Янгиликларни Телеграмда ўқинг!

Рейтинг: -1