Азиз Асимов “Қирол Кубоги” доирасидаги БАА – Иордания учрашувини бошқарди
03 июн 2016 17:50
Янгиликлар
Азиз Асимов “Қирол Кубоги” доирасидаги БАА – Иордания учрашувини бошқарди
Бугун Таиландда ҳар йили анъанавий тарзда бўлиб ўтадиган "Қирол Кубоги" мусобақасига старт берилди. Бу йилги мусобақада аввалроқ хабар берилганидек турнир мезбони Таиланд, БАА, Иордания ҳамда Сурия терма жамоалари иштирок этишмоқда. Эслатиб ўтамиз, мазкур турнир ўйинларини бошқариб бориш учун ўзбекистонлик ФИФА рефериси Азиз Асимов ҳам таклиф этилган.
Бугун, мусобақанинг илк кунида ярим финал ўйинлари ўтказилди. Қуръага кўра, илк ярим финал ўйинида БАА ҳамда Иордания терма жамоалари ўзаро майдонга тушишди. Мазкур учрашувни ўзбекистонлик ФИФА рефериси Азиз Асимов бошқариб борди. Учрашувда Асимовга қанотда ўзбекистонлик ФИФА лайнсмени Алишер Усмонов ёрдам берган. Яна бир лайнсмен сифатида эса, малайзиялик Шаҳрин бин Умар ишлаган. Учрашувда Иордания терма жамоаси 3:1 ҳисобда ғалаба қозонди ва финалга йўл олди. Иордания терма жамоаси финалда Таиланд ҳамда Сурия терма жамоалари ўртасидаги ўйин ғолиби билан ўйнайди.
Таиланд ҳамда Сурия терма жамоалари ўртасидаги ўйин эса, Тошкент вақти билан соат 18:00да бошланади.
Ўхшаш янгиликлар
championat.asia
Тимур Кападзе дунёнинг энг кучли мураббийлари орасида кучли ўнликка кирди!
Роналду кетма-кет учинчи марта Яқин Шарқда йилнинг энг яхши футболчиси бўлди
Криштиану Роналду: "Мавсум ўртасида ҳеч ким чемпион бўлмайди"
Эрон жамоаси Ўзбекистон МТЖ етакчиларидан бири учун 1 миллион доллар бериши мумкин
Фикрлар