Азим Аҳмедов: «Ҳамжиҳатлик ғалабамизни бош омили»

Футболдаги фаолиятини «Навбаҳор»да бошлаган Азим Аҳмедов Намангандаги ўйингоҳда илк маротаба «Навбаҳор»га қарши тўп суриб, мезбонлар жамоаси дарвозасига чиройли гол уришга эришди. Ўйиндан кейин Аҳмедов ўз фикрлари билан ўртоқлашди: - Бугунги учрашувни қийин ўтишини билардик. Шундан келиб чиққан ҳолда ўйинга муносиб тарзда тайёргарлик кўришга интилдик. Жамоамизга ғалаба жуда ҳам муҳим эди. Ўз навбатида «Навбаҳор»га ҳам ютуқ зарур эди. Умуман олганда яхши ўйин бўлади деб ўйлагандик. Якунда мақсадимизга эришиб, ғалабани қўлга киритдик. Сўнгги учрашувларда жамоамиз аъзолари ҳамжиҳатликда ҳаракат қилиб, ғалабаларни қўлга киритиб келмоқдамиз. Бугун ҳам ҳамжиҳатликда бир-биримизни тушунган ҳолда тўп сурганимиз учун бугун ҳам ғалабани қўлга киритдик.

"Навбаҳор" матбуот хизмати