Австралия терма жамоаси собиқ футболчининг вафоти муносабати билан қора боғич билан майдонга тушди

Унинг жасади Австралиянинг Янги Жанубий Уэльс штатидаги пляждан топилди, деб хабар бермоқда "The Guardian". Шу муносабат билан "кенгурулар" футболчилари ва мураббийлари қора боғич таққан ҳолда майдонга тушишди.

46 ёшли эркакни охирги марта жума куни кечқурун кўришган, у бедарак йўқолган деб эълон қилинган ва фавқулодда хизматлар қидирув ишларини бошлаганди. Полиция унинг ўлими билан боғлиқ ҳолатлар шубҳали деб ҳисобланмаслигини айтди.

"Биз Стивенни нафақат майдондаги ютуқлари, балки характери ва атрофдагиларга ижобий таъсири орқали яхши эслаймиз. У Австралия терма жамоасининг бир қисми сифатида абадий эсда қолади. Биз уни соғинамиз. Унинг оиласи ва дўстлари билан руҳан биргамиз", – деди Австралия Футбол Федерацияси бош директори Жеймс Жонсон.

Лэйбатт Европада Нидерландиянинг "Фейеноорд" ва "Розендал", Норвегиянинг "Люн", Бельгиянинг "Мускрон" ва "Гент" жамоаларида ўйнаган. Австралия терма жамоаси сафида 18 та ўйинда қатнашган.

Лэйбатт  фаолиятини тугатганидан сўнг Сиднейдаги Винсент касалхонасининг реабилитация бўлимида ишлаётганди. У буйрагини диализга боғланиб қолган беморга топширган эди.