"Атлетико" ижарага бериб юборган футболчисини "Челси"га сотмади

Инсайдер Фабрицио Романонинг сўзларига кўра, "аристократлар" 20 ёшли ҳужумчи учун расмий таклиф билан чиқишган, аммо рад этилган.

Лондонликлар испаниялик футболчини тахминан 30 миллион евро ва қўшимча 10 миллион бонуслар эвазига сотиб олмоқчи эди.

"Челси" Омородионни сотиб олиш фикридан воз кечмаяпти, шунингдек, "Астон Вилла"дан Жон Дюранни сотиб олиш имкониятини ҳам кўриб чиқмоқда.

"Атлетико" якунланган мавсумни "Алавес"да ўтказган ва у ерда энг яхши тўпурарга айланган ҳужумчини сақлаб қолмоқчи.