"Арсенал" Пепега харидор изламоқда
14 июн 2023 12:23
Янгиликлар
"Арсенал" Николя Пепе учун харидорлар қидирмоқда ва клуб рекордчисини кейинги мавсум олдидан ўзининг асосий жамоасига қайтаришни режалаштирмаяпти. Бу ҳақда "Тhe Telegraph" нашри хабар бермоқда.
2019 йил ёзида 72 миллион фунт эвазига "Арсенал"га ўтган Пепе 2022/23 йилги мавсумни ижара асосида Франциянинг "Ницца" жамоасида ўтказди.
28 ёшли футболчининг "Арсенал" билан шартномаси тугашига атиги бир йил қолди ва шимолий Лондон клуби келгуси бир неча ҳафта ичида эҳтимолий харидорлар пайдо бўлишига умид қилмоқда.
Бироқ Пепе "Арсенал"нинг энг кўп маош олувчи футболчиларидан бири ва шартномаси тугашига атиги 12 ой қолган бўлса, унинг шартномаси ёзги ойна охирида бекор қилиниши эҳтимоли бор.
"Арсенал" бундай сценарийдан қочиб, унинг ўрнига кичик бўлса-да, трансфердан фойда топмоқчи.
Пепе француз клуби сафида 28 та ўйин ўтказиб, 8 та гол урди.
Пепе – 2019 йил декабрь ойида Микель Артета тайинланишидан олдин "Арсенал" томонидан имзоланган бир нечта асосий жамоа ўйинчиларидан бири.
Ўхшаш янгиликлар
championat.asia
ЖЧ-2026 саралаш босқичи. Ўзбекистон 90+12 дақиқада ўтказилган гол эвазига Қатар майдонида мағлубиятга учради
Сречко Катанец: "Қандай қилиб сўнгги дақиқада оддий гол ўтказдик, буни билмайман" (тўлиқ)
ЖЧ-2026 саралаш босқичи. Сўнгги сонияда ютқаздик
Спорт ТВ бош директори: "Режа бўйича иш олиб борилаётганда, мадҳия бошланиб қолди. Эфирга мадҳиянинг ўртасидан ўтиш нотўғри ҳисобланиб, тугаши кутилди"
Фикрлар