UZ

Сўнгги янгиликлар

02:40Чехия кубоги финалидан кейин мухлислар можаро келтириб чиқарди  0 02:13"Манчестер Сити" Чемпионшип финалидан 20 млн фунт-стерлинг ишлаб олиши мумкин  0 01:56А Серия. "Кальяри" сўнгги дақиқада ўтказилган тўп эвазига "Фиорентина"га ютқазди, Шомуродов майдонга тушмади  11 01:29"Милан" янги мавсум учун мўлжалланган уй либосини тақдим этди  0 01:12Саудия Премьер-лигаси. "Ал Насср" сўнгги дақиқаларда мағлубиятдан қутулиб қолди  1 00:48Мбаппе Мадриддан уй сотиб олди ва Рамосга қўшни бўлди  0 00:31"Ал Ҳилол" "Милан" футболчиси учун 175 млн евро товон пули тўлашга тайёр  0 00:14Раньери фаолиятини якунламоқчи эмас, у терма жамоада ишламоқчи  2 23:57Умарали Раҳмоналиев: "'Рубин' келаси мавсум медаллар учун кураша олади"  3 23:20Левандовски: "Мбаппенинг "Реал"га келишидан қўрқмаймиз"  7 23:03Еврокубокларнинг 2027 йилгача бўлган финаллари ўтказиладиган шаҳарлар маълум  4 22:46Асрор Алиқулов: "Бундай майдонда жароҳат олиш даражаси юқори бўлади"  1 22:29Неъматилло Қуттибоев: "Бу ўйинда ғалаба қозонган жамоа жадвалда бир кунга бўлса ҳам биринчи ўринга кўтариларди"  0 22:12Футзал бўйича Олий лиганинг ғолиб ва совриндорларини тақдирлаш маросимидан ФОТОГАЛЕРЕЯ  4 21:55Фарҳод Нишонов: "Дўстлик"га ҳар томонлама ютқаздик"  1

Анвар Бердиев: "Яқин муддат ичида клуб олдига Суперлигага чиқиш вазифаси қўйилади" Янгиликлар

Анвар Бердиев: "Яқин муддат ичида клуб олдига Суперлигага чиқиш вазифаси қўйилади"

Ўзбекистон кубоги учинчи туридан ўрин олган "Бухоро" – "Шўртан" (1:1) учрашувидан сўнг меҳмонлар бош мураббийи Анвар Бердиев матбуот анжуманида қатнашди.



Ўйин ҳақида

- "Бухоро"ни плей-офф йўлланмаси билан табриклайман. Йигитларга раҳмат, қўлларидан келганча ҳаракат қилишди. Бугун бизни фақат ғалаба қониқтирарди. "Бухоро" барибир Суперлига жамоаси бўлгани учун классда устунлик қилди. 

- Жамоангиз ўйинидан қайд даражада қониқдингиз?

- Футболчиларимга ҳеч қандай эътироз йўқ. Ўйиндан олдин қийин бўлишини билардик. "Бухоро" Суперлига жамоаси ҳисобланади. 

- "Шўртан" бир неча йилдан бери Про лигада ҳаракат қилмоқда. Олдинлари клуб Суперлиганинг мунтазам иштирокчиси эди. Клуб яна Суперлигага қайтишига нима ҳалал бермоқда?

- "Шўртан" олдинлари Суперлигада ҳаракат қиларди. Клубнинг қарзи кўпайиб кетгани сабабли жамоада муаммолар бўларди. Ҳозир эса раҳбариятга раҳмат айтмоқчиман. Айни дамда ҳеч қандай мураббий ёки футболчидан жамоа қарздор эмас. Яқин муддат ичида клуб олдига Суперлигага чиқиш вазифаси қўйилади ва "Шўртан" бунга арзийди.

- "Шўртан" бугун босимсиз, эркин ўйнади. Бу сизнинг кўрсатмангиз эдими?

- Ҳар бир ўйиндан олдин йигитларга исталган жамоа билан ўйнаш мумкинлигини айтаман. Тезроқ қарор қабул қилиб, ҳаракат қилинса, Про Лига ва Суперлига даражаси унчалик ҳам катта эмас ва натижага эришса бўлади. Футболчиларим ҳаракат қилишди. Уларда ўзларига ишонч ҳам бор эди. Бугун ҳам ғалаба қозонамиз деб мақсад қўйгандик. Умуман, исталган турнирда "Шўртан" ғалаба учун майдонга чиқади. Бугун ҳам масалан, 10 киши бўлиб қолганимизга қарамасдан олдинга бордик. Яна бир бор "Бухоро"ни табриклайман.

- "Бухоро" сизга бегона эмас. Икки йил олдин жамоада ишлагансиз. Ўша даврдаги "Бухоро" ва ҳозирги жамоанинг бир биридан фарқи борми?

- Албатта, фарқи бор. Биз ишлаган даврда жамоа Про лигада ўйнарди, ҳозир Суперлигада. Футболчиларнинг жаражасида ҳам фарқ бор. Бугун ҳам сўнгги дақиқаларда улар бизни жазолаб қўйишлари мумкин эди. Бироқ, вазиятни якунлайдиган ўйинчи топилмади. "Бухоро"га Суперлигадаги ўйинларида омад тилайман. "Бухоро" жамоаси ва мухлислари Суперлигага муносиблар. 

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика