Анвар Бердиев: "Ўйин вақтини кечроққа суриш бўйича раҳбарият билан гаплашамиз"
18 июн 21:28
Янгиликлар

Анвар Бердиев: "Ўйин вақтини кечроққа суриш бўйича раҳбарият билан гаплашамиз"

Про лиганинг 13-туридан ўрин олган "Шўртан" - "Олимпик MobiUZ" (3:0) учрашувидан сўнг мезбонлар бош мураббийи Анвар Бердиев матбуот анжуманида иштирок этди.

- Ўйин ҳақида...

- Ўзбекистон аҳлини Қурбон ҳайити байрами билан табриклайман. Йигитларга бугунги ўйин учун рахмат айтаман, улар охиригача курашишди ва ғалабага эришдик. Бу ўйинни унутиб, кейингисига тайёргарликни бошлаймиз.

- Машғулотларда ишланган режалар ўз натижасини бердими?

- Албатта, ҳисоб 3:0 бўлса, қайсидир маънода машғулотларда ишланган услублар натижа берган бўлади. Ҳар машғулотларда ишлаймиз, ўйинда рақиб ҳам бизга қарши туради. Қаердадир услублар ўйиндан келиб чиқиб танланади.

- Бугунги ўйин 18:00 да белгиланди. Иссиқ об-ҳавода футбол ўйнаш қийин барибир. Ўйин вақтини сал кечроққа суриш бўйича раҳбарият билан гаплашиб кўрдингизми?

- Яхши савол бердингиз, буни инобатга оламиз. Раҳбариятдан илтимос қилиб кўрамиз. Ҳоҳлайсизми-йўқми, иссиқ об-ҳавода футбол ўйнаш қийин.

Ҳавола :

Манба : championat.asia

Янгиликларни Телеграмда ўқинг!

Рейтинг: -1