Ана холос! Криштиану Роналду судга чақирилиши мумкин!
14 апр 12:11
Янгиликлар

Ана холос! Криштиану Роналду судга чақирилиши мумкин!

"Ал Насср" ҳужумчиси Криштиану Роналду акаси Уго Динарте Сантуш Авейра атрофидаги вазиятга ойдинлик киритиш учун суд мажлисига гувоҳ сифатида чақиртирилиши мумкин.

Роналдунинг акасига фирибгарлик бўйича иш очилган. Бунга сабаб 2019 йилда бизнесмен Рокко Валенти ва Роналдунинг акаси вакил бўлган Mussara Gestao de Espacos e Eventos LDA компанияси ўртасидаги келишув оқибатлари билан боғлиқ.

Бизнесмен CR7Museu логотипи туширилган футболкаларни ишлаб чиқариш ва сотиш ҳуқуқини олиш учун 650 минг евро тўлаши керак бўлган шартнома имзолаган. Қисқа вақт ичида 13 минг дона маҳсулот ишлаб чиқарилди. Аммо, adidas компанияси ушбу футболкаларнинг дизайни шартномаси асосида чиқарилганларга жуда ўхшашлигини пайқаган ва хабар қилган. Валенти томонидан ишлаб чиқарилган футболкаларни воситачилар сота бошлаган. У утилизация қилиниши керак эди, аммо бунинг ўрнига Роналду музейида сотилаётгани аниқланган.

Хабар қилинишича, футболканинг ташқи кўринишини Роналдунинг акаси тасдиқлаган.

Қайд этиш керакки, Роналдунинг чақирилиши "кераксиз" бўлишига ишонган судья Алессандра Сальвадори адвокат Роберт Капрага Криштиануни 31 май куни бўлиб ўтадиган кейинги тинглашга чақиришни таклиф қилган.

Ҳавола :

Манба : torino.corriere.it

Янгиликларни Телеграмда ўқинг!

Рейтинг: +2