Алексей Миранчук фаолиятини "Рома"да давом эттириши мумкин

Журналист Жанлука Ди Марционинг хабарига кўра, тез орада икки клуб вакиллари 26 ёшли россияликнинг эҳтимолий трансферини муҳокама қилиш учун учрашишади.

"Рома" ва "Аталанта" шунингдек римликлар ярим ҳимоячиси Карлес Перес ва бергамоликлар ярим ҳимоячиси Марио Пашалич борасида музокара олиб боришади.

Алексей Миранчук "Аталанта"га 2020 йилнинг сентябрида "Локомотив" (Москва)дан ўтган эди. Футболчи ўтган мавсум итальян жамоаси таркибида 25та ўйинда майдонга тушиб, 2та гол ва 5та ассист қайд этди.