Александр Мерзляков: "2010 йилги "Бунёдкор"га қарши кубок финалини эсимдан чиқара олмайман, бугун нима бўлишини якунда биламиз"
29 окт 10:18
Янгиликлар

Александр Мерзляков: "2010 йилги "Бунёдкор"га қарши кубок финалини эсимдан чиқара олмайман, бугун нима бўлишини якунда биламиз"

"Бухоро" ва "Пахтакор" жамоалари собиқ футболчиси Александр Мерзляков Ўзбекистон Кубоги финали олдидан жамоаларнинг имкониятларини баҳолади.

"Фаолиятимдаги финалларга келсак, 2010 йил "Шўртан" билан Ўзбекистон Кубоги финалига чиққан эдик. Эслашни истамайман, лекин муносиб ҳаракат қилгандик. Буни ёддан чиқара олмайман. Ўшанда "Бунёдкор"да топ даражадаги футболчилар йиғилганди. Биргина гол ўйин тақдирини ҳал қилган.

Эртанги ўйин қизиқарли, мухлисларни зериктирмайдиган даражада ўтишини кутмоқдаман. Мен "Бухоро", "Пахтакор" либосини кийганман. Ким кучли бўлса, ўша жамоа ютуқни ўзиники қилади. Стадионда ажойиб атмосфера бўлса керак. Тўғри, ўйинда устунлик "Пахтакор" томонида бўлар. Лекин "Бухоро" ҳам борини беради. Нима юз беришини якунда биламиз",- дейди Мерзляков.

Ҳавола :

Манба : championat.asia

Янгиликларни Телеграмда ўқинг!

Рейтинг: +3