"Ал Ҳилол" Саудия Арабистони Қирол кубогини қўлга киритди ва "Ал Насср"нинг ОЧЛ учун имкониятини сақлаб қолди
13 май 2023 08:00
Янгиликлар

"Ал Ҳилол" Саудия Арабистони Қирол кубогини қўлга киритди ва "Ал Насср"нинг ОЧЛ учун имкониятини сақлаб қолди

Тунда Жиддадаги "Қирол Абдуллоҳ Сити" стадионида "Ал Ҳилол" ва "Ал Ваҳда" ўртасидаги баҳс бўлиб ўтди.

Учрашувнинг асосий вақтида 1:1 ҳисоби қайд этилди. Эътиборлиси "Ал Ҳилол" 90+9-дақиқада ҳисобни тенглаштирди. Экстра таймларда ҳам ҳисоб ўзгармади ва ғолиб пенальтилар сериясида аниқланди.

Унда "Ал Ҳилол" 7:6 ҳисобида зафар қучди ва Саудия Арабистони Қирол кубогини қўлга киритди. Бундан ташқари "Ҳилол" янги мавсумда Роналду ва ҳамюртимиз Жалолиддин Машарипов тўп тепаётган "Ал Насср"нинг Осиё чемпионлар лигасида иштирок этиши учун имконият қолдирди.

"Ал Насср" ОЧЛга чиқиши учун бу мавсум Саудия Арабистони чемпионатида 2-ўриндан пастга тушмаса бўлгани.

Саудия Арабистони Қирол кубоги, Финал
"Ал Ҳилол" - "Ал Ваҳда" 1:1 (пенальтилар серияси 7:6)
Голлар: Али Ал Булайҳи 90+9 - Абдул Карим Йода 35.