"Ал Айн" клуби "Насаф"га қарши баҳс олдидан Лига кубоги ярим финал ўйинида ғалаба қозонди

Бирлашган Араб Амирликларининг "Ал Айн" клуби ОЧЛ плей-офф ўйинидан олдинги учрашувда ғалаба қозонди. БАА Лига кубоги ярим финал босқичининг илк ўйинида "Иттиҳод Калба" клубига қарши майдонга тушган "Ал Айн" 2:0 ҳисобида рақибидан устун келди. Голларга Софиан Раҳими ва  Ал Балушилар муаллифлик қилишди. Энди "Ал Айн" клуби Ўзбекистонга сафар қилади ва Қарши "Марказий" стадионида "Насаф" клуби билан ОЧЛ баҳсида қатнашади.

 "Иттиҳод Калба" - "Ал Айн" 0:2

Голлар: Софиан Раҳими, Ал Балуши

Маҳаллий чемпионатнинг 12 туридан сўнг "Ал Айн" жамоаси 25 очко билан иккинчи ўринда бормоқда. Клуб биринчи ўриндаги "Ал Васл"дан 5 очко камроқ тўплаган. 

Маълумот учун, "Насаф" ва "Ал Айн" ўртасидаги ОЧЛ плей-офф босқичидаги биринчи ўйин 14 февраль куни Қарши шаҳрида ўтказилади. Жавоб баҳси 21 февраль санасида ўтказилиши режалаштирилган.