АГМК жамоаси катта танаффусдан кейин машғулот ўтказди
02 июн 2020 10:25
Янгиликлар

АГМК жамоаси катта танаффусдан кейин машғулот ўтказди

Теглар : АГМК

Карантин туфайли деярли икки ойдан кўпроқ вақтни уйда ўтказган ва якка тартибда шуғулланиб турган футболчилар бугундан клуб қароргоҳига йиғилишди.

Миржалол Қосимов бошчилигидаги мураббийлар штаби футболчиларга машғулот ўтказишидан олдин жамоа бош шифокори Ислом Абаев томонидан яна бир бор тиббий назоратдан ўтказилган футболчилар куннинг иккинчи ярмида қароргоҳдаги майдонда шуғулланишди. Қайд этиш керакки, машғулот тегишли санитария қоидалари, нормалари ва гигиена нормативларига қатъий амал қилган ҳолда ўтказилди.

Шу тариқа жамоавий машғулотларни узоқ кутган ва яшил майдон ҳамда жамоавий муҳитни соғинган АГМК футболчилари тартиб қоидага амал қилган ҳолда аъло кайфиятда бугунги қизғин ўтган машғулотни якунлашди.

Эслатиб ўтамиз, АГМК жамоаси йиғин ўтказишдан аввал ССВ ҳузуридаги СЭОАга қарашли Олмалиқ шаҳри СЭОМ ходимлари томонидан Covid-19га тест таҳлилларини топширишди ва ҳеч кимда коронавирус инфекцияси аниқланмади.